يعني ايه انتماء؟

كنت بسمع برنامج العاشره مساءا علي قناة دريم الفضائيه وانا كنت واقف في المكتبه (المحل بتاع ابويا) بصور مستندات فكانوا بيناقشوا فكرة حركه كفايه خليك بالبيت و الفكره بوضوح هيه انها عاوزه تعمل عصيان مدني بشكل يبعد الناس عن عصيان الامن المركزي بمعني ان الناس تعمل اضراب و تعد في البيت وترفع علم مصر في البلاكونه يوم 23 يوليوكل ده مش هيبقي موضوعنا لكن موضوعي ان في شاب من الزباين اللي واقفين في المكتبه باين عليه انه غلبان ضحك باستهزاء وقال علم مصر فرد عليه راجل كبير برضه كان من الزباين وبرضه باين عليه متعشاش وأدي الواد محاضره في الانتماء بقي و العطاء والتضحيه وكلام كبير كده خلي الواد الغلبان في نص هدومه بصراحه انا دمي غلي وقررت اخش الحوار وسألت الراجل

ممكن اسأل حضرتك سؤال

قالي اتفضل

يعني ايه انتماء ؟

قالي يعني الولاء والعطاء و التضحيه

قولت جميل طيب الولاء ده بيجي منين؟

قالي يعني ايه

قولتله بمعني تاني انا ليه بيبقي عندي ولاء لابي وامي

قال عشان ربوك و صرفوا عليك

قولت جميل يبقي الانتماء مش معناه العطاء لكن معناه اني اخد الاول

الراجل ارتبك شويه وسكت وقال طيب انت مخدتش من البلد حاجه

قولت لأمخدتش واللي خدته دفعت قصاده كتير

قاللي التعليم المجاني

قولت تعليم ايه المجاني انا من اولي حضانه وانا باخد دروس لأني مبعرفش حاجه في المدرسه يبقي فين التعليم المجاني

وظل الحوار هوه يقول وانا ارد وموصلناش برضه لمعني محدد للانتماء

يعني ايه انتماء؟

ديموقراطيه

الابيات دي للشاعر الكبير احمد مطر
تفاهم
علاقتي بحاكمي
ليس لها نظير
تبدأ ثم تنتهي ... براحة الضمير
متفقان دائماً
لكننا
لو وقع الخلاف فيما بيننا
نحسمه في جدل قصير
أنا أقول كلمة
وهو يقول كلمة
وإنه من بعد أن يقولها ..
يسير
وإنني من بعد أن أقولها ..
أسير !

ناويت اتغير

خلاص يا دنيا ناويت اتغيــــر
ده الطبع الهادى خلانى صغير
والحب الناعم بقى زمنه قصير
والكل بيجرح ولا حد مقـــــدر
ولا عاد فرقه مين بيقـــــــــدر
الدنيا دى صح ؟! ولا الكون اتغير
خلاص يا دنيا ناويت اتـغــير
ESlAM

الموهوب الصغير

Smileابتسم

كنت بقرأ في كتاب "لاتحزن"للدكتور عائض القرني قد ايه الكتاب ده ممتع ومفيد انصح اي حد بقرأته وشدني قصيده للشاعر الكبير ايليا ابو ماضي القصيده ديه بتدعوا للتفؤل والابتسام اسيبكم مع القصيده

قال السماء كئيبة ! وتجهما قلت: ابتسم يكفي التجهم في السما

! قال: الصبا ولى! فقلت له: ابتــسم لن يرجع الأسف الصبا المتصرما

!! قال: التي كانت سمائي في الهوى صارت لنفسي في الغرام جــهنما

خانت عــــهودي بعدما ملكـتها قلبي , فكيف أطيق أن أتبســما

! قلـــت: ابتسم و اطرب فلو قارنتها لقضيت عــــمرك كــله متألما

قال: الــتجارة في صراع هائل مثل المسافر كاد يقتله الـــظما

أو غادة مسلولة محــتاجة لدم ، و تنفثـ كلما لهثت دما

! قلت: ابتسم ما أنت جالب دائها وشفائها, فإذا ابتسمت فربما

أيكون غيرك مجرما. و تبيت في وجل كأنك أنت صرت المجرما ؟

قال: العدى حولي علت صيحاتهم أَأُسر و الأعداء حولي في الحمى ؟

قلت: ابتسم, لم يطلبوك بذمهم لو لم تكن منهم أجل و أعظما !

قال: المواسم قد بدت أعلامها و تعرضت لي في الملابس و الدمى

و علي للأحباب فرض لازم لكن كفي ليس تملك درهما

قلت: ابتسم, يكفيك أنك لم تزل حيا, و لست من الأحبة معدما!

قال: الليالي جرعتني علقما قلت: ابتسم و لئن جرعت العلقما

فلعل غيرك إن رآك مرنما طرح الكآبة جانبا و ترنما

أتُراك تغنم بالتبرم درهما أم أنت تخسر بالبشاشة مغنما ؟

يا صاح, لا خطر على شفتيك أن تتثلما, و الوجه أن يتحطما

فاضحك فإن الشهب تضحك و الدجى متلاطم, و لذا نحب الأنجما !

قال: البشاشة ليس تسعد كائنا يأتي إلى الدنيا و يذهب مرغما

قلت ابتسم مادام بينك و الردى شبر, فإنك بعد لن تتبسما

TODAY IS MY BIRTHDAY

طبعا قبل ما اي حد هيعلق لازم هيقول كل سنه وانت طيب و انتم طيبين.

لكن انا في هذه الايام حاسس بشعورين مختلفين احب اقولهم

-الاول الاقبال علي الدنيا و اني تميت 21 سنه والواحد كبر خلاص وهيتخرج وهيتحمل المسؤليه ويشق طريقه في الحياه ويفكر في مستقبله

-الثاني نداء الاخره اني فات من عمري 21 سنه فلذلك اسأل الله انه يتقبل مني الحسن ويغفر لي الخبيث ويوفقني الي احسن الاعمال اللي تفيدني و تفيد الناس

وكل عام وانتم الي الله اقرب وعلي طاعتيه ادوم والي الجنة اقرب ومن النار ابعد

My slogan

Don't Be Egoist,
Look From The East To The West,
You have to Achieve Your Ego,
Make Your life Best.

نصيحة ديكتاتور

منذ شهر تقريبا تم اعدام الرئيس المخلوع أو (الراحل) صدام حسين واتقال حاجات كتير بعد اعدمه في ناس قالت انه شهيد لانه قال لا اله الا الله محمد رسول الله , وفي ناس قالت انه بطل زي جيفارا ,وفي اللي قال انه زعيم محارب زي عمر المختار.

و علي النقيض تماما اللي قال انه انتحر وانه مش شهيد لان فرعون قال امنت انه لا اله الا الذي امنت به بنو اسرائيل و قال كمان وانا من المسلمين ومع ذلك فهو في الدرك الاسفل من النار ,وفي اللي قال انه عميل و باع نفسه للامريكان من قبل ولما حب يتنطط عليهم خلعوه عشان يكون عبره لغيره من الحكام ,وفي اللي قال انه كان طاغيه وظالم وكان معذب شعبه .

بصرف النظرعن الاقاويل الكتير, صدام مات و راح عند اللي خلقه ان شاء عذبه وان شاء غفر له لكن احنا عاوزين نستفيد من اللي حصل ده هل كل ديكتاتور نسيبه لحد ما يجي غرنا يحتلنا بدعوى التحرير,

انا قعت افكر كتير ولقيت ان احنا لو متحركناش ضد اي ظلم او قهر او طغيان مفيش اللي هيجي يحررنا ببلاش وانه مش هيجي عشان خاطر سواد عيونا اكيد هيجي اولا عشان خاطر مصلحته ثانيا وعاشرا ,

كنت بتفرج علي التليفجن وكانت اخر حته في مسرحية كارمن لمحمد صبحي وانا من العاشقين له وكان بيقول كلام جميل جدا جداوتخيلت الكلام ده اللي بيقوله صدام حسين قبل مايموت

تخيلوا كارمن مش انها الشخصيه ولكن علي انها اي شئ ........................

انا ديكتاتور ! دنا ديكتاتور لسه في حضانه بتعلم اول حروف القهر والاهانه

سيبين الكون بحاله بظلمه وبظلامه

وجين عليا انا وتقولولي ديكتاتور وظلمت الانسانيه

كارمن قالتلي لأه وانا نويت ليلتها اقتل البنت ديه قتل ملوهش ديه

يعني اقتل الحريه ......................ايوه قتلتها

طب انتوا عملتوا ايه ساكتين من بدري ليه مقلتوش لأه لييه

عشان انتوا مقلتوش طلعلنا قراقوش ومليون عفركوش ده غير اللي منعرفهوش

من كل شكل ولون

بالذمه انا ابقي مين فيي وسط دول انا ابقي مين في وسط دول

دنا ديكتاتور لسه بليه عند معلم كبييير هوه يقول وانا انفذ وانتوا ساكتين

دنا بتلكك بيكم وبتعكز عليكم وعشمان لسه فيكم ان انتوا تقولوا لأه

نفسي اسمعكوا مره تقولوا لأه قويه للديكتاتور اياه الكبير

قولوا لأه وانا معاكم قولوا لأه للامريككان والصهاينه ولعنف الاحتلال

قولوا لأه لكوبنهاجن وبلاش ذل وهوان

قولوا لأه وبلاش نفاق

اصرخ بعلو صوتك وانا هقول معاك

قولوا لأه للحروب ققولوا لأه للمجاعه قولوا لأه للتأمر قولوا لأه للخنوع قولوا لأه للخداع قولوا لأه للباع ولسسسسسسسسسه هيبيع

قولوا لأه والسلام

سلام