طبعا قبل ما اي حد هيعلق لازم هيقول كل سنه وانت طيب و انتم طيبين.
لكن انا في هذه الايام حاسس بشعورين مختلفين احب اقولهم
-الاول الاقبال علي الدنيا و اني تميت 21 سنه والواحد كبر خلاص وهيتخرج وهيتحمل المسؤليه ويشق طريقه في الحياه ويفكر في مستقبله
-الثاني نداء الاخره اني فات من عمري 21 سنه فلذلك اسأل الله انه يتقبل مني الحسن ويغفر لي الخبيث ويوفقني الي احسن الاعمال اللي تفيدني و تفيد الناس
وكل عام وانتم الي الله اقرب وعلي طاعتيه ادوم والي الجنة اقرب ومن النار ابعد
2 comments:
يا راجل..كل سنة و انت طيب يا اسامة و يا رب تفضل بالصحة و السلامة لغاية ما يبقى عندك ميييت سنة..و عندك حق والله يا ابني الواحد لما بيجي يفكر في المستقبل بيبتدي يقلق بالرغم من كونه بيحاول يكون مستعد بقدر الامكان انه يخليه احسن على اد ما يقدر لكن بيخاف من المجهول اللي منتظر كل واحد و يا ترى هيعمل فينا ايه فأحسن حاجة نعملها ان احنا نتوكل على ربنا و نسعى بجهد لحياه افضل و مسؤلية اكبر(ربنا يستر)..ولما نيجي نشوف مثلا الوقت اللي عشناه يااه واحد و عشرين سنة ده عمر لوحده مروا امتى دول يبدو ان عمر الانسان بيمر اسرع مما يتخيل....و احب اكرر في الاخر و اقول كل سنة و انت طيب
كل سنة وانت طيب يا اسامة .....معلش جت متاخرة علشان انت عارف كانت فترة نتيجة وقلق بس الحمد للة والف مبروك النجاح
فعلا الايام بتجرى بسرعة جدا والواحد بيحس انة ماعملش حاجة بس انا بقى لما تميت العشرين حسيت بحاجة مختلفة ان انا صغيرة جدا عن عشرين سنة وانا 15 كنت اكبر تقريبا السن هو اللى بيزيد بس .........بس فعلا مش عارفة اية السبب فى كدة لو عندك راى قولة
وكل سنة وانت طيب وعقبال 100000000000000000000000000 سنة وربنا يغفرلك ذنوبك ويتقبل منك صالح الاعمال ويحقق ليك امالك.......امين
سلام
كيتى :)
Post a Comment